Pasquale's profileNapoli...e poi...PhotosBlogListsMore  |  Tools Help |
|
|
June 09 La pizzaPeppe Cicala così cantava : E' crisceto 'e pasta ca cresce int'e mmane, ca ncopp' 'o bancone se posa, s'avota, se sbatte, se stenne, cchiù tunno e chhiù ghianco... Chest' 'è, punto e basta ! Ajere ll 'he avuta 'e 'a vuò n'ata vota ? Stasera, dimane... Ch'è comm'a canzona ca siente pe' niente, ca maje nun te stanca. E 'ncopp' 'a sta faccia cchiù ghianca d' 'o marmo, add'o pizzaiuolo, cchiù artista ' e n'artista, cu 'e pponte de ddete nc'ha fatto 'e fusselle, se spanne na risa. Nu zuco zucato 'e pummarulelle cu 'a vasenicola. Nu pizzeco, tanto, però d' 'o romano, l'arecheta, 'e funge, ddoje vongole, 'o ssale. Che cchiù me ne vuò ? Eggià, 'a muzzarella, l'alice salate, dduje gambere, l'aglio, ddoje aulive, tre cozze. Nu filo 'ndurato: è uoglio ? No, è sole ! Se spanne vasannese 'a faccia ca ride; ca quanno era janca, me tene 'o culore cchiù ardente, cchiù vivo. So' verde, so' viole, so' rosse, so' lille ! Scintille 'e diamante, ricame 'e brillante, Culture de' fronne, culure d' 'o golfo, so' tutt' 'e culure de' quatte staggione ! - Guagliò, vott'e mmane ! He mis' 'e pampuglie ? E puorteme 'a pala ! E pure int' 'o ffuoco ve pare ca ride, ca ride felice, ca ride e s'abboffa, ca canta : " Guardate, s'abboffa e nun schiatte ! ". Me pare 'o ritratto 'e cierte curiuse ' e napulitane, ca, comme se dice, e ogge e dimane, e ogne ora e ogne ghiurno, s'abboffano e ridono e cantano pure si teneno 'a morte e 'o ffuoco ca stregne e abballa pe' tuorno. Mo 'o tengo cca nnanze stu piatto ch'è primmo, sicondo, ch'è terzo, ch'è frutta, ch'è tutto ! Ch'è cena, ch'è pranzo e ch'è culazione. Stu piatto ch'è piatto de ricche barune, d' 'a povera ggente, d' 'e diavule e sante, de' muonece o rre , de grande scienziate, artiste e studente. Stu piatto...ca forse, ca...comme ca pure v' 'o ddico, però sottovoce; ca si Gesù Cristo turnasse a stu munno, cercasse 'o permesso cu lettera espresso : - Scusate papà, embè io so' fesso, nun l'aggia pruvà ? |
|
|
